02.08.2023 Problemli Banklar

0 0

Kommersant.az bankın maliyyə hesabatına istinadən xəbər verir ki, BOB-un cəmi aktivləri ötən ilin sonu ilə müqayisədə 764 milyon 410 min manat olub. Bu, 2022-ci ilin sonu ilə müqayisədə 63 milyon 179 min manat və ya 9 faiz çoxdur. Bu artımın əsas səbəbi bankın kredit portfelinin 40 milyon 320 min manat artaraq 617 milyon 854 min manata çatmasıdır. Bu da cəmi aktivlərin artımının 63.8 faizini təşkil edib.

BOB-un verdiyi istehlak kreditləri 27 milyon 420 min manat artaraq 425 milyon 523 min manata, biznes kreditləri 7 milyon 58 min manat artaraq 162 milyon 258 min manata, daşınmaz əmlak kreditləri isə 5 milyon 323 min manat artaraq 30 milyon 48 min manata yüksəlib. Mümkün zərərlər üçün yaradılan məqsədli ehtiyatını 1 milyon 204 min manat azaldaraq 61 milyon 794 min manat etdiyi üçün BOB-un xalis kreditləri 556 milyon 59 min manat olub. Bu da ötən ilin sonu ilə müqayisədə 41 milyon 524 min manat çoxdur.

BOB-un depozit portfelinin artması onun öhdəliklər cəminin artmasına da səbəb olub. Belə ki, bankın cəmi öhdəlikləri ötən ilin sonu ilə müqayisədə 85 milyon 662 min manat artaraq 664 milyon 32 min manat təşkil edib. Bu artımda depozit portfelinin payı 87.3 faiz olub.

Bankın fiziki şəxslərdən topladığı əmanətlər 66 milyon 162 min manat artaraq 396 milyon 181 min manata, hüquqi şəxslərdən topladığı depozitlər isə 8 milyon 617 min manat artaraq 44 milyon 130 min manata çatıb. Nəticədə bankın topladığı depozitlər 440 milyon 311 min manat olub ki, bu da ötən ilin sonu ilə müqayisədə 74 milyon 779 min manat çoxdur.

Səhmdar kapitalını dəyişdirməyən BOB-un cəmi kapitalı 7 milyon 518 min manat artaraq 130 milyon 378 min manata yüksəlib. Bunun səbəi isə bankın bölüşdürülməmiş mənfəətinin 7 milyon 181 min manat artaraq 68 milyon 391 min manata, ümumi ehtiyatlarının isə 336 min manat artaraq 9 milyon 116 min manata çatmasıdır.

BOB-un faiz gəliri 16 milyon 138 min manat artaraq 61 milyon 170 min manata, faiz xərcləri isə 9 milyon 361 min manat artaraq 18 milyon 576 min manata yüksəlib. Nəticədə xalis faiz gəliri 6 milyon 778 min manat artaraq 42 milyon 594 min manata bərabərləşib.

Bankın qeyri-faiz gəliri 891 min manat azalaraq 5 milyon 186 min manata düşüb. Qeyri-faiz xərcləri isə 6 milyon 384 min manat artaraq 31 milyon 546 min manata yüksəlib. Buna görə də BOB-un əməliyyat mənfəəti 16 milyon 234 min manat olub ki, bu da ötən ilin müvafiq dövrü ilə müqayisədə 497 min manat azdır.

Bankın məcmu kapitalı 2022-ci ilin 2-ci rübü ilə müqayisədə 23 milyon 351 min manat artaraq 131 milyon 934 min manata yüksəlib.

BOB-un aktivlərinin gəlirliyi (ROA) 0.41 faiz azalaraq 2.23 faizə enib. Kapitalının gəlirliyi isə (ROE) 2 faiz azalaraq 13 faizə düşüb.