"AG Bank" Mərkəzi Banka çox ciddi borclandı

30.10.2018 Problemli Banklar
Azərbaycan Mərkəzi Bankı (AMB) “AGBank”a borcu Maliyyə Bazarlarına Nəzarət Palatasının (MBNP) təklifi ilə ayırıb və bu vəsaitlərin çox ciddi girov əsaslarında verib.

"Kommersant.az" xəbər verir ki, bunu AMB- nın sədri Elman Rüstəmov bu gün keçirdiyi mətbuat konfransında bildirib.

AMB böhran dövründə digər banklara da bu və ya digər formada yardımlar göstərib. Yəni valyuta girovları əsasında kreditlər verilib. Hazırda ehtiyacı olan banklarda da vəsaitlərimiz var. Əlavə edim ki, bu vəsaitlərin çox ciddi girov əsasları da var”.

45 MİLYONLUQ BORC

Xəbər verdiyimiz kimi, 2018-ci ilin 3-cü rübündə "AG Bank" AMB -dən 5 milyon manat borc alıb. 30 İyun 2018-ci il tarixində AMB -nın"AG Bank"a qarşı tələbləri 40 milyon manat təşkil etmişdi. 30 Sentyabr 2018-ci il tarixində bu məbləğ 45 milyon manata çatıb.