Bəzi yollarda rənglənmə ilə əlaqədar hərəkət qismən məhdudlaşdırılır

06.06.2018 Nəqliyyat
Bakıda avtonəqliyyat vasitələrinin təhlükəsiz hərəkətinin tənzimlənməsi məqsədi ilə bu gün səhər saat 10:00-dan axşam saatlarınadək Nərimanov rayonu, Mübariz Nağıyev küçəsində və Ziya Bünyadov prospekti, Dərnəgül, Baksol yolunda üfiqi nişanlanma xətlərinin rənglənməsi və yenilərinin çəkilişi işləri aparılacaq.

Bu barədə "Kommersant"a “Azərbaycan Avtomobil Yolları” Dövlət Agentliyindən verilən məlumatda bildirilir.

Qeyd edilib ki, sözügedən yollarda avtonəqliyyat vasitələrinin hərəkəti iş aparılan zolaqlar üzrə hissə-hissə məhdudlaşdırılacaq.