Aerokosmos şirkətindən 480 milyon dollarlıq kredit

Dünyanın ən böyük təyyarə kirayə verən şirkətlərindən biri Dubay Aerokosmos (DAE) 480 milyon dollar dəyərində 4 illik kredit müqaviləsi imzalayıb.

"Kommersant.az " xəbər verir ki, şirkətin təminatsız dövri kredit imkanları 1,125 milyard dollarla 1,445 milyard dollar arasında arta bilər. Bu ən son imzalanmış müqavilənin maliyyə ölçüsündən asılıdır. 480 milyon dəyərində kreditə həm şərti, həm də İslam maliyyə tərəfdaşları daxildir.

"2017-ci ilin dekabr ayından etibarən, əgər bu imkanlar tam şəkildə tərtib edilsə və gəlirlər etibarlı borcu ödəmək üçün istifadə olunarsa, DAE-nin təmin edilməmiş borclarının faizi 26%-dən 31-34% aralığa qədər artacaq", -şirkətin icraçı direktoru Firuz Tararpur deyib.

DAE hökumətin nəzarətində olan şirkətdir. 2006-cı ildə yaradılan qurum ötən il mərkəzi Dublində yerləşən "AWAS"ı aldıqdan sonra dünyanın ən böyük təyyarə kirayə verən şirkətlərindən biri olub. Satınalma Dubayın təyyarə lizinqi və xidməti şirkətinin portfelini 3 qat artıraraq 14 milyard dollar dəyərində olan təxminən 400 təyyarəyə çıxardı.