Rusiya nəhəngində kütləvi istefalar davam edəcək

24.05.2018 Dünya
Rusiyanın aliminium nəhəngi olan “Rusal”ın baş icraçı direktoru Aleksandra Bouriko istefa verib

"Kommersant.Az" xəbər verir ki, şirkətin açıqlamasına görə, xanım CEO Aleksandra Bouriko istefa edib. Onun, idarə heyəti ilə hər hansı fikir ayrılığı olmadığı bildirilir.

“Rusal” yeni icraçı direktor seçilənə kimi xanım Aleksandranı Yevgeni Nikitinin əvəz edəcəyini açıqlayıb.

Məlumatda o da bildirilir ki, şirkətin icraçı direktorları Vladislav Solovyev və Siqfrid Vol isə iyunun 28-də işdən ayrılacaq. Digər vəzifəli şəxslər Maksim Sokov, Dimitri Afanasiyev, Gülcan Moldacanova, Olqa Maşovskaya və Yekterina Nikitina da gələn aydan istefa edəcəklər.

Mayın 2-də ABŞ Maliyyə Nazirliyi bildirmişdi ki, Oleq Deripaska şirkətlərin idarəçiliyindən istefa edərsə, “Rusal” və “En+Group”a tətbiq edilən sanksiyalar götürülə bilər. Ötən həftə Deripaska “En+ Group”dan istefa etdi.

Qeyd edək ki, aprelin əvvəlində ABŞ Rusiyanın bəzi iş adamları və şirkətlərinə yeni sanksiyalar tətbiq edib. Milyonçu Deripaska və onun “En+Group”, “ GAZ”, “Basic Element” və “Rusal” şirkətləri də bu siyahıya daxil edilib.