USD1,7000
EUR1,8634
GBP2,1133
RUB0,0208

Muğanbankdan “Səyahət Mövsümü” adlı yeni kampaniya

08.04.2019 Bank
0 0
“Muğanbank” ASC 08.04.2019-cu il tarixindən 01.09.2019-cu il tarixinədək növbəti, “Səyahət Mövsümü” adlı kampaniya həyata keçirir. Kampaniya çərçivəsində “Muğanbank” ASC-yə müraciət edən bütün müştərilərə Union Pay, MasterCard və Visa beynəlxalq ödəniş sistemlərinin Platinum və Gold plastik kart məhsulları 50% endirimlə təklif olunacaqdır.

Azərbaycan maliyyə-bank sektorunun tanınmış qurumlarından biri olan “Muğanbank” ASC 1992-ci ildə fəaliyyətə başlamışdır. Hal-hazırda Bankın ölkə ərazisində 42 filialı və 9 şöbəsi, həmçinin Moskva şəhərindəki nümayəndəliyi müştərilərə hər növ bank məhsulları üzrə keyfiyyətli xidmət göstərir. “Muğanbank” ASC ABŞ Beynəlxalq İnkişaf Agentliyi (USAID), Avropa Yenidənqurma və İnkişaf Bankı (EBRD), Beynəlxalq Maliyyə Korporasiyası (IFC), ABŞ-ın WorldBusiness Capital (WBC) investisiya fondu, Xarici Özəl İnvestisiyalar Korporasiyası (OPIC), Özəl Sektorun İnkişafı üzrə İslam Korporasiyası (ICD), GGF kimi beynəlxalq iqtisadi qurumlarla əməkdaşlıq edir.