USD1,7000
EUR1,8634
GBP2,1133
RUB0,0208

"Bank BTB" zərərdə olduğunu açıqladı - MƏCMU KAPİTALI DA AZALIB

18.04.2019 Bank
0 0
"Bank BTB" 2019-cu ilin 1-ci rübünü zərər açıqladı.

"Kommersant.az" bankın açıqladığı hesabata əsasən xəbər verir ki, "Bank BTB" -nin cəmi aktivləri 2018-ci ilin 1-ci rübü ilə müqayisədə 818 min manat və ya 0.02% artaraq 2019-cu ilin 1-ci rübündə 291 mln. 88 min manata bərabər olub. Cəmi aktivlərin artmasına səbəb isə əsasən bankın müştərilərinə verdiyi kreditin artmasında olub.

Hesabata görə, bankın cəmi öhdəlikləri 2018-c ilin analoji dövrü ilə müqayisədə 2 mln. 640 min manat və ya 0.11% artaraq 238 mln 200 min manat olub. Bu da əsasən digər maliyyə institutlarının kreditləri (108 mln. 783 min manat) və müştərilərin müddətli depozitlərinin payına düşür.

Bankın cəmi kapitalı 2018-ci ilin 1-ci rübü ilə müqayisədə 1 mln. 822 min manat və ya 0.33% azalaraq 52 mln. 888 min manata bərabər olub. Bunun əsas səbəbi isə xüsusi kapitalın ötən illə müqayisədə 2 mln. 282 min manat azalmasıdır.

DEPOZİT VƏ KREDİT PORTFELİ ARTIB

"Bank BTB"-də müştərilərin tələbli və müddətli depozitlərinin cəmi 107 mln. 705 min manat edib ki, bu da ötən ilin 1-ci rübü ilə müqayisədə 14 mln. 494 min manat və ya 15.54% çoxdur. Bundan başqa bankın müştərilərinə verdiyi kreditlərdə də artım olub. Belə ki, bankın müştərilərinə verdiyi kreditlər ötən ilin müvafiq dövrü ilə müqayisədə 17 mln. 760 min manat və ya 11.57% artaraq 171 mln. 280 min manata çatıb.

FAİZ GƏLİRLƏRİ ARTIB

Bankın xalis faiz gəlirləri 2018-ci ilin 1-ci rübü ilə müqayisədə 767 min manat və ya 47.7% artaraq 2 mln. 373 min manat olub. Bankın qeyri-faiz gəlirləri 150 min manat artaraq 1mln. 402 min manat, qeyri-faiz xərcləri isə 607 min manat artaraq 3mln. 496 min manat olub. Nəticədə bankın 279 min manat xalis əməliyyat mənfəəti yaranıb.

"Bank BTB" ötən ilin 1-ci rübündə 298 min manat mənfəət əldə etmişdi ki, cari ilin 1-ci rübünə 2 mln. 688 min manat zərər açıqlayıb.

BANKIN MƏCMU KAPİTALI AZALIB

"Bank BTB"-nin məcmu kapitalı ötən illə müqayisədə 1mln. 835 min manat və ya 0.33% azalaraq 52 mln. 222 min manata bərabər olub. Bundan başqa bankda məcmu kapitalın adekvatlıq əmsalı 21.05%, 1-ci dərəcəli kapitalın adekvatlıq əmsalı isə 20.13% təşkil edib.