“Yapı Kredi Bank Azərbaycan” 2019-un 1-ci rübünü mənfəətlə başa vurdu

30.04.2019 Bank
Avropanın 17 ölkəsində fəaliyyət göstərən bankçılıq qrupunun üzvü “Yapı Kredi Bank Azərbaycan” QSC-nin 2019-cu ilin birinci rübü üzrə xalis mənfəəti keçən ilin müvafiq dövrü ilə müqayisədə 2.5 dəfə artaraq1 milyon 686 min manat olmuşdur.

Bankın 2019-cu ilin birinci rübünə dair açıqladığı hesabatdaxalis faiz gəlirlərinin 2018-ci ilin müvafiq rübü ilə müqayisədə 10% artaraq 7 milyon 616 min AZN, əməliyyat üzrə gəlirlərinin 21% artaraq 4 milyon 198 min AZN təşkil etdiyini görmək mümkündür.Bundan əlavə, aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmaların22% azalması bankın kredit portfelinin müsbət keyfiyyət dinamikasından xəbər verir.

Yapı Kredi qlobal bankçılıq təcrübəsini Azərbaycanda tətbiq etməyə davam etmişdir və nəticədə müştərilərinin etimadını qazanmışdır. Belə ki, banka etibar edən, vəsaitlərini əmanət edən fiziki şəxslərin tələbli əmanətlərinə nəzər yetirdikdə həmin rəqəmin 2018-ci ilin müvafiq dövrü ilə müqayisədə 2019-cu ilin birinci rübündə 28% artdığını müşahidə edirik.

Yapı Kredi Bank Azərbaycan ölkədə real sektorun maliyyələşdirilməsi istiqamətində vəStrateji Yol Xəritələrində müəyyənləşdirilmiş prioritetlərə uyğun olaraq tədbirləri davam etdirmişdir. Nəticə etibarilə,2018-ci ilin analoji dövrü ilə müqayisədə 2019-cu ilin birinci rübündə bankın kredit portfelinin həcmi 13% artaraq 163 milyonmanata yüksəlmişdir.

Bankın kapital göstəriciləri kifayət qədər ürək açandır. Ötən ilin eyni dövrü ilə müqayisədə 2019-cu ilin birinci rübünün sonunda bankın I dərəcəli kapitalı 9% artaraq 66,3 milyon AZN, məcmu kapitalı 11% artaraq 71,3 milyon AZN olmuşdur. Kapitalın adekvatlıq əmsalında da müsbət tendensiya qeydə alınmışdır, belə ki, bank ötən ilin sonundan etibarən kapitalın adekvatlıq əmsalını 20.7%-dən 23.1%-ə qaldırmışdır və bu göstərici yerli qanunvericiliyin minimal tələbindən dəfələrlə çoxdur.

Qeyd edək ki, Yapı Kredi Bank Azərbaycan dünyanın 17 ölkəsində fəaliyyət göstərən bankçılıq qrupunun üzvüdür. Ana səhmdarı UniCredit (İtalya) və Koç Holding (Türkiyə) olan bank, Azərbaycanda bankçılıq sektorunda beynəlxalq təcrübə ilə Bakı və Sumqayıt şəhərlərində yerləşən filialları, 7/24 xidmət göstərən Telefon Mərkəzi və İnternet/Mobil Bankçılıq məhsulları ilə müştərilərə geniş çeşiddə xidmət verməkdədir.