Regionlar üzrə depozit qoyuluşu - SİYAHI

25.05.2018 Bank
Gəncə-Qazax iqtisadi rayonunda depozit portfeli 122 milyon manatdan çoxdur

Kommersant.Az” xəbər verir ki, banklara depozit qoyuluşlarında ötən dövrlə müqayisədə artım qeydə alınıb. Belə ki, 2018-ci ilin birinci rübünün sonunda əhali banklara cəmi 7 milyard 657 milyon 192 min manat depozit qoyub. 2017-ci ilin sonunda isə cəmi depozit portfeli 7 milyard 561 milyon 200 min manat olub.

2018-ci ilin birinci rübün sonunda Bakı şəhərinin payına düşən depozit portfeli 7 milyard 101 milyon 757 min manat həcmindədir. Abşeron iqtisadi rayonu 166 milyon 987 min manat depozit portfelinə malikdir. Gəncə-Qazax iqtisadi rayonunda isə əhali banklara 122 milyon 186 min manat depozit yerləşdirib.

Mərkəzi Bankın açıqladığı icmala əsasən, digər iqtisadi rayonların depozit portfelləri aşağıdakı kimidir:

Sıra

İqtisadi rayonun adı

Depozit portfelinin həcmi

1

Aran

91 milyon 911 min manat

2

Dağlıq Şirvan

13 milyon 234 min manat

3

Quba-Xaçmaz

45 milyon 707 min manat

4

Lənkəran

41 milyon 782 min manat

5

Şəki-Zaqatala

31 milyon 802 min manat

6

Yuxarı Qarabağ

7 milyon 935 min manat

7

Naxçıvan

34 milyon 777 min manat

Qeyd edək ki, Kəlbəcər-Laçın iqtisadi rayonunun kredit portfeli 305 min manat olsa da, 2018-ci ilin birinci rübünə olan göstəricilərə əsasən əhali banklara depozit yerləşdirməyib.