Azərbaycanda fəaliyyət göstərən bankların hesabatına görə ən çox və ən az cəmi aktivə sahib olan banklar məlum olub.
"Kommersant.az" xəbər verir ki, bu ilin ilk yarısında ən yüksək cəmi aktivə "Azərbaycan Beynəlxalq Bankı" (ABB) sahib olub. Belə ki, ABB-nin cari ilin ikinci rübündə cəmi aktivi 8 mlrd. 487 mln. 726 min manat olub.
Siyahı üzrə ən çox cəmi aktivə sahib olan ikinci bank isə "Pasha Bank" olub ki, onun da cəmi aktivi cari rübdə 4 mlrd. 430 mln. 357 min manata düşüb.
3 mlrd. 663 mln. 211 min manatlıq cəmi aktivlə "Kapital Bank" siyahıda üçüncü yerdə qərarlaşıb. Bankın bazarda yüksək tələbata sahib olan "Birkart" məhsulu "Kapital Bank"ın gələcək rüblərdə daha da yüksək aktivlərə sahib olacağından xəbər verir.
Qeyd edək ki, özünü ölkənin ən böyük üçüncü bankı kimi qələmə verən "Xalq Bank" aktivlərinə görə özünü ilk üçlüyə daxil edə bilməyib.
10 mln. 294 min manatlıq cəmi aktivlə "Pakistan Milli Bankı"nın Bakı filialı siyahıda ən sonda qərarlaşıb.