Azərbaycanda fəaliyyət göstərən bankların cəmi öhdəlik üzrə renkinqi bəlli olub.
"Kommersant.az" xəbər verir ki, cəmi aktivlərdə də olduğu kimi "Azərbaycan Beynəlxalq Bankı" (ABB) cəmi öhdəliklər üzrə renkinqə liderlik edir. Belə ki, sözügedən dövlət bankının 7 mlrd. 17 mln. 793 min manatlıq cəmi öhdəliyi olub. Siyahıda ikinci sıraya 4 mlrd. 4 mln. 551 min manatlıq cəmi öhdəliklə "Pasha Bank" sahib olub. 3 mlrd. 299 mln. 319 min manatlıq cəmi öhdəliklə "Kapital Bank" siyahıda üçüncü sırada qərarlaşıb.
Cəmi aktivlərdə olduğu kimi "Xalq Bank" yenə də ilk üçlüyə qatıla bilməyib.
Qeyd edək ki, ən az öhdəliyə sahib olan bank "Pakistan Milli Bankı"nın Bakı filialı olub. Belə ki, sözügedən bank 407 min manatlıq cəmi öhdəliyə sahib olub.