Azərbaycanda fəaliyyət göstərən bankların açıqladığı hesabata əsasən ən çox və ən az depozitə sahib olan bankların siyahısı bəlli olub.
"Kommersant.az" xəbər verir ki, cari ilin ilk yarısında ən çox depozitə dövlət bankı olan "Azərbaycan Beynəlxalq Bankı" (ABB) sahib olub. Belə ki, ABB-də müştərilərin depozitləri 4mlrd. 625 mln. 104 min manata bərabər olub. 3 mlrd. 626 mln. 765 min manatlıq depozitlə ikinci sırada "Pasha Bank" qərarlaşıb. Siyahıya əsasən üçüncü ən çox depozitə sahib olan üçüncü bank "Kapital Bank" olub ki, onun da depozit portfeli 2 mlrd. 865 mln. 173 min manata yüksəlib.
Siyahıya görə ən az depozitə "Pakistan Milli Bankı"nın Bakı filialı sahib olub. Bank cari ilin ikinci rübündə 377 min manatlıq depozit yığa bilib.