Azərbaycanın banklardankənar nağd pul kütləsi minimuma enib

11.06.2018 Bank
Azərbaycanda banklardankənar nağd pul kütləsi (M0 aqreqatı) aylıq müqayisədə 484,9 mln. manat və yaxud 6,6% azalaraq bu il mayın 1-nə 6 919,3 mln. manat təşkil edib.

"Kommersant! bu barədə Azərbaycan Mərkəzi Bankına istinadən xəbər verir.

Məlumata görə, banklardankənar nağd pul kütləsinin həcmində son 10 ayın minimumu qeydə alınıb. Yekun göstərici ötən ilin eyni dövrü ilə müqayisədə isə 570,7 mln. manat və yaxud 9% çoxdur.

Qeyd edək ki, ölkədə nağd pul kütləsinin tarixi maksimal səviyyəsi 2014-cü il iyul ayında qeydə alınıb və 10 508,9 mln. manat təşkil edib.