Korporativ bankların məcmu kapital üzrə siyahısı

Azərbaycanda fəaliyyət göstərən korporativ banklar arasında dörd böyük bankın xalis mənfəəti üzrə hesabatı bəlli olub.

Kommersant.az xəbər verir ki, 2022-ci ilin son rübünə olan hesabatını açıq elan edən banklar arasında məcmu kapitalı azalan tək bank “Xalq Bank” olub. Belə ki, sözügedən bankın məcmu kapitalı 2021-ci ilin son rübü ilə müqayisədə 15 milyon 697 min manat azalaraq 427 milyon 58 min manata enib. Bu həmçinin siyahıdakı banklar arasında ən az məcmu kapitaldır.

171 milyon 74 min manatlıq artımla “Azərbaycan Beynəlxalq Bankı” siyahıda ikinci yeri tutub. Dövlət bankının artımdan sonra məcmu kapitalı 1 milyard 385 milyon 105 min manata bərabər olub.

Qeyd edək ki, “Paşa Holdinq”ə məxsus banklardan “Paşa Bank” və “Kapital Bank”ın toplam məcmu kapitalı dövlət bankının məcmu kapitalına bərabər ola bilməyib. Belə ki, hər iki bankın toplam məcmu kapitalı 1 milyard 352 milyon 347 min manat olub ki, bu da “Azərbaycan Beynəlxalq Bankı”ndan 32 milyon 758 min manat və ya 0.2% azdır.

Bankın Adı	2022 (IV Rüb)	2021(IV Rüb)	Fərq
ABB	1.385.105	1.214.031	171.074
Paşa Bank	550.710	423.260	127.450
Kapital Bank	801.637	659937	141.700
Xalq Bank	427.058	442.755	-15.697