30.01.2023 Bank

22 7

Kommersant.az xəbər verir ki, “Yapı Kredi Bank”ın məcmu kapitalı 2021-ci ilin son rübü ilə müqayisədə 760 min manat və ya 0.1% artaraq 75 milyon 75min manata bərabər olub.

CƏMİ AKTİVLƏRİ ARTIB

“Yapı Kredi Bank”ın cəmi aktivləri 2021-ci ilin son rübü ilə müqayisədə 87 milyon 120 min manat və ya 22% artaraq 481 milyon 927 min manata çatıb.

Bu artımda kredit portfelinin payı 71.2% olub. Belə ki, bankın kredit portfeli 1 il ərzində 62 milyon 32 min manat və ya 35.5% artaraq 236 milyon 945 min manata çatıb. Bu artımda ən böyük paya 83.7%-lə biznes kreditləri sahib olub. Belə ki, bankın bzines kreditləri 2021-ci ilin analoji dövrü ilə müqayisədə 51 milyon 910 min manat və ya 44.3% artaraq 169 milyon 165 min manata bərabərləşib. Budan başqa “Yapı Kredi Bank”ın istehlak kreditləri də 5 milyon 156 min manat və ya 12.8% artaraq 45 milyon 307 min manata çatıb. Bankın daşınmaz əmlaka ayırdığı kreditlər isə 4 milyon 965 min manat və ya 28.4% artaraq 22 milyon 471 min manat olub.

Mümkün zərərlər üçün yaradılan məqsədli ehtiyatını 683 min manat azaldaraq 38 milyon 215 min manata endirən “Yapı Kredi Bank”ın xalis kreditləri 198 milyon 729 min manata bərabər olub. Bu da 2021-ci ilin müvafiq dövrü ilə müqayisədə 62 miylon 714 min manat və ya 46.1% çoxdur.

Bankın öhdəliklərinin cəmi 1 il ərzində 85 milyon 107 min manat və ya 27.2% artaraq 397 milyon 852 min manata bərabərləşib. Bu artımda depozit protfelinin payı 91.8% olub. Belə ki, “Yapı Kredi Bank”da depoziti olan hüuqi şəxslərin əmanətləri 66 milyon 456 min manat və ya 30.7% artaraq 283 milyon 106 min manata çatıb. Bankın fiziki şəxslərdən topladığı əmanətlər isə 2021-ci ilin eyni rübü ilə müqayisədə 12 milyon 254 min manat və ya 17.9% artaraq 80 milyon 751 min manat olub. Bununla da “Yapı Kredi Bank”ın depozit portfeli 363 milyon 857 min manat təşkil edib. Bu da 2021-ci ilin dördüncü rübü ilə müqayisədə 78 milyon 112 min manat və ya 27.4% çoxdur.

Bankın bölüşdürülməmiş mənfəəti 1 milyon 153 min manat artaraq 25 milyon 364 manata, ümumi ehtiyatları isə 859 min manat artaraq 3 milyon 329 min manata çatıb. Nəticədə bankın cəmi kapitalı 2 milyon 13 min manat və ya 0.2% artaraq 84 milyon 74 min manat olub.

Bankın faiz gəliri 26 milyon 235 min manat, faiz xərcləri isə 2 milyon 156 min manat təşkil edib. Buna görə də “Yapı Kredi Bank”ın xalis fəaiz gəliri 24 milyon 78 min manat olub ki, bu da 2021-ci ilin son rübü ilə müqayisədə 3 milyon 221 min manat və ya 15.4% çoxdur.

Qeyri-faiz gəliri 4 milyon 506 min manat və ya 31.3% artaraq 18 milyon 890 min manata, qeyri-faiz xərcləri isə 3 milyon 501 min manat və ya 11.9% artaraq 32 milyon 794 min manata yüksəlib. Buna görə də bankın əməliyyat mənfəəti 10 milyon 174 min manata çatıb ki, bu da 2021-ci ilin son rübü ilə müqayisədə 4 milyon 226 min manat və ya 71% çoxdur.