.png)
Çavuşoğlu Azərbaycan səfirliyinə terror hücumu ilə bağlı İrana çağırış edib
Kommersant.az-ın məlumatına görə, M.Çavuşoğlu AZTV-yə açıqlamasında İranı terror hücumu ilə bağlı şəffaf araşdırma aparmağa çağırıb.
"Qonşu İrandan gözləntimiz hücumun açıq şəkildə araşdırılması, bu istiqamətdə məlumatların Azərbaycanla palaşılmasıdır. Bu, əhəmiyyətlidir. Digər tərəfdən bu terror hücumunu həyata keçirən şəxsin arxasında hər hansı qrup və ya qruplar varsa, onların da ədalətə təslim edilməsi lazımdır. Qardaş Azərbaycana bir daha başsağlığı verir, şəhidimizə rəhmət, yaralılara şəfa diləyirik. Bir daha deyirik ki, Azərbaycan heç vaxt, heç yerdə tək deyil", - M.Çavuşoğlu deyib.
Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə terror hücumu olub. Hücum edən şəxs avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Hazırda hadisənin istintaqı aparılır.
Digər xəbərlər
Bayden 1915-ci il hadisələri üçün yenidən "soyqırım" terminindən istifadə etdi
Aİ Ukrayna məhsullarına tətbiq edilən gömrük rüsumlarını daha bir il müddətinə dayandırıb
