Azərbaycanda bu günə qədər 12 bankın lisenziyası əlindən alınıb. Bu banklar arasında ən uzun ömürlüsü isə “AG Bank” olub. Nə az nə çox 28 il Azərbaycanın maliyyə bazarında ayaqda dura bilib.
Kommersant.az xəbər verir ki, 12 bank arasında “Royal Bank” 2012-ci ildə, 6 bank 2016-cı ildə, 4 bank isə 2020-ci ildə lisenziyasını itirib. "Pakistan Milli Bankı" Bakı filialı isə lisenziyası ləğv olunan sonuncu bank olub.
Bu banklar arasında ən köhnə tarixdə qurulan bank “Deka Bank” olub. Hətta hazırda fəlaiyyət göstərən 25 bankın heç biri onunla eyni yaşa sahib deyil.