USD1,7000
EUR1,8634
GBP2,1133
RUB0,0208

Bağlanan banklara borcu olanların - NƏZƏRİNƏ

11.09.2018 Bank
0 0
Əmanətlərin Sığortalanması Fondu ləğv prosesində olan bankların müştərilərinə kreditlərin “ASAN ÖDƏNİŞ” sistemi vasitəsilə ödənilməsinə imkan yaradıb.

"Kommersant.az" Fondun mətbuat xidmətinin yaydığı məlumata istinadən xəbər verir ki, Əmanətlərin Sığortalanması Fondu ləğv prosesində olan bankların kredit yığımlarının mərkəzləşdirilmiş qaydada təşkilini, yığımların operativliyini və müştərilərin rahatlığının təmin edilməsi məqsədi ilə fondun daxili informasiya sisteminin Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyindəki “İNNOVASİYALAR MƏRKƏZİ” MMC-nin “ASAN ödəniş” portalına inteqrasiyasını təmin edib.

Ləğv prosesində olan bankların müştərilərinə kredit borclarını “ASAN ödəniş” sistemi vastəsi ilə “ASAN ödəniş” terminallarında nağd formada və asanpay.az portalı vasitəsilə nağdsız qaydada odəmə imkanları yaradılıb.

Onlayn ödəmə imkanından yararlanmaq üçün ləğv prosesində olan banklara kredit borcu olan müştərilər www.asanpay.az saytından və ya Fondun rəsmi www.adif.az saytındakı “Kreditlərin online ödənişi” səhifəsinə daxil olmaqla “ASAN ödəniş” sisteminə keçid ala bilərlər.

Bundan başqa, Əmanətlərin Sığortalanması Fondunun (ƏSF) www.adif.az internet səhifəsi yeni, müasir tələblərə cavab verən dizaynda istifadə verilib. Yeni sayt bir çox texniki yeniliklərdən istifadə etməyə imkan yaradır.

Saytda əmanətlərin sığortalanması sisteminə aid əsas anlayışlar, qüvvədə olan qanunvericilik aktları, ƏSF-nin fəaliyyətinə dair normativ-hüquqi aktlar, Fondun ləğvedici funksiyasını ehtiva edən informasiya və digər məlumatlar yerləşdirilib.