Qarabağ Azərbaycandır!

İpoteka Fondu 556 mənzili kirayə verib

16.02.2021 İnşaat və Əmlak
İpoteka və Kredit Zəmanət Fondu (Fond) satmaq öhdəliyi ilə kirayə mexanizmi üzrə mənzillərin rəsmiləşdirilməsi və təhvil prosesini davam etdirir.

"Kommersant.az" fonda istinadən xəbər verir ki, ötən müddət ərzində mexanizm çərçivəsində 556 mənzil rəsmiləşdirilərək kirayəçilərin istifadəsinə verilib.

Fondun balansında Bakı, Sumqayıt və Xırdalan şəhərləri üzrə 8 fərqli ünvanda vətəndaşların mənzil ehtiyaclarına uyğun 1, 2, 3 və 4 otaqlı kirayə mənzillər mövcuddur. Təklif edilən mənzillər vətəndaşların istirahəti üçün geniş həyətyanı sahəyə malik, əsas infrastruktur obyektlərə yaxın komplekslərdə yerləşir. Bütün mənzillər yeni və müasir tikinti materiallarından istifadə olunmaqla yüksək səviyyədə təmir olunaraq kombi isitmə sistemi (kombi cihazı daxil olmaqla), su, qaz, elektrik sayğacları ilə təchiz olunub, mülkiyyət hüquqları isə dövlət qeydiyyatına alınıb.

Qeyd edək ki, Fond aldığı mənzilləri satmaq öhdəliyi ilə kirayəyə verir. Başqa sözlə, vətəndaş şərtlərə əməl edərsə müddətin sonunda mənzil onun mülkiyyətinə keçir.

  • Əvvəlki

    Azərbaycanın şirkətlər qrupunun vergi borcu olduğu açıqlandı - Məbləğ

Digər xəbərlər