USD1,7000
EUR1,8634
GBP2,1133
RUB0,0208

SOCAR İstiqrazları ilə 24 milyon dollardan çox kredit verilib

01.06.2018 İqtisadiyyat
0 0
SOCAR İstiqrazları ilə REPO əməliyyatlarının həcmi açıqlanıb

Azərbaycan qiymətli kağızlar bazarında SOCAR İstiqrazları ilə REPO əməliyyatlarının həcmi artıb.

SOCAR Capital şirkətindən "Kommersant.Az"a verilən məlumata görə, SOCAR İstiqrazları ilə REPO müqavilələrinin 2018-ci il üzrə sayı 23 çatıb. Bu müqavilələr əsasında istiqraz sahibi olan həm hüquqi həm fiziki şəxslərə aşağı faizlərlə 12 milyon dollardan çox kredit verilib. Nəticədə, qeyd olunan qiymətli kağız vasitə ilə götürülən kreditin məbləği ümumilikdə 24 milyon dolları keçib.

Xatırladaq ki, SOCAR İstiqrazları ilə REPO əməliyyatlarına 2017-ci ilin noyabr ayında başlanılıb və bu günə qədər 36 müqavilə bağlanılıb.Kreditlər əsasən 2 gündən 83 günə qədər illik 3,50-4,50 faiz arası götürülüb.

REPO əməliyyatı mexanizmi SOCAR İstiqrazlarının sahiblərinə Bakı Fond Birjasında (BFB) istiqrazlarını girov qoyaraq qısamüddətli və sərfəli şərtlərlə kredit imkanı verir.

Qeyd edək ki, müxtəlif qiymətli kağızlar üzrə REPO məbləğləri fərqlənir. SOCAR İstiqrazları etibarlı qiymətli kağız sayıldığına və BFB-nin əsas listinqində əməliyyat edildiyinə görə, bu kağızlar üzrə "hair cut" (təminat əmsalı) cəmi 5% təşkil edir. Yəni istiqraz sahibləri REPO əməliyyatları vasitəsilə sahib olduğu istiqrazların dəyərinin 95%-i həcmində vəsait cəlb edə bilər.

REPO əməliyyatlarının istiqraz sahibləri üçün digər üstünlüyü pul vəsaitlərinin olduqca aşağı faizlərlə cəlb edilməsidir. Belə ki, illik 5% gəlirliyə malik olan SOCAR İstiqrazlarının sahibləri çox aşağı faizlərlə kreditlər götürür, onların faiz gəlirləri isə heç bir halda azalmır.

REPO əməliyyatları qiymətli kağızlar bazarında aparılan əsas əməliyyatlardan və kağız sahibləri üçün yaradılan mühüm imkanlardan biri sayılır.

  • Əvvəlki

    BNA 300 avtobusun tədarükçüsünü seçir

Digər xəbərlər

28.03.2024 İqtisadiyyat
Dünya birjalarında neft neçəyə satılır?
0 0
28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0