Azərbaycan Respublikası Dövlət Neft Fondunun (ARDNF) 2019, 2020, 2021-ci illər üzrə maliyyə fəaliyyətinin auditini "PwC Azerbaijan” şirkəti həyata keçirəcək.
"Kommersant.az" xəbər verir ki, ARDNF qeyd edilən illər üzrə maliyyə fəaliyyətinin auditini keçirmək məqsədi ilə Azərbaycan Respublikasının dövlət satınalmaları haqqında qanunvericiliyinə uyğun olaraq xidmət təkliflərinin cəlb olunması prosedurunu keçirib.
Xidmət təklifləri sorğusuna əsasən Azərbaycanda fəaliyyət göstərən nüfuzlu beynəlxalq auditor təşkilatları tərəfindən təqdim olunmuş təkliflərin qiymətləndirilməsi nəticəsində, ən münasib təklif vermiş "PwC Azerbaijan" şirkəti müsabiqənin qalibi müəyyən edilib və ARDNF haqqında Əsasnaməyə uyğun olaraq, ölkə başçısı tərəfindən Fondun 2019, 2020, 2021-ci illər üzrə maliyyə fəaliyyətinin auditini keçirmək üçün auditor təyin edilib.