Seçiciləri 15 ilin spikerini tanımadı, Oqtay Əsədov hərəkətə keçdi - VİDEO

01.02.2020 İqtisadiyyat
Təxminən bundan 10 gün əvvəl Milli Məclisin spikeri Oqtay Əsədovla bağlı maraqlı video yayılıb. “Mediatv” Abşeron rayonu ərazisində onunla bağlı sorğu keçirib və respodentlərə “Siz Abşeron rayonunun deputatını tanıyırsınızmı?” sualı verilib. Cavab verənlərin demək olar ki, hamısı rayonun deputatını tanımadığını bildirib.

"Kommersant.az" xəbər verir ki, həmin sorğudan bir müddət sonra isə fevralın 9-da keçiriləcək növbədənkənar Parlament seçiklərində də namizəd olan 15 ilin deputatı Oqtay Əsədov buna cavab verib. Belə ki, spikerin yeni açılmış "Facebook" səhifəsində yayılan videoda Abşeron rayonunda sorğu keçirildiyi və sakinlərin əksəriyyətinin O. Əsədovu yaxşı tanıdığı və qarşıdan gələn seçkilərdə də onu dəstəkləyəcəyi əks olunub.

Sözügedən videomaterial "West News" adlı "Youtube" səhifəsində yerləşdirilib və O. Əsədovun Feysbuk hesabında isə daha geniş kütlələrə yayılması üçün sponsorlu paylaşılıb.

Xatırladaq ki, 45 saylı Abşeron seçki dairəsindən son 10 ildir ki, Oqtay Əsədov millət vəkilidir. Bundan əvvəl isə Binəqədi rayonundan deputat olub. O, həm də Milli Məclisin sədridir.

Sorğunu təqdim edirik: