.jpg)
.jpg)
“Karantin rejiminə ehtiyac qalmayacaq” - Həkim
Bir də Allaha dua edir, əvvəlki həyatımıza qayıdacağımızı həsrətlə gözləyirik...
Mütəxəssislər karantin rejiminin davam etməsini məqsədəuyğun hesab edirlər. Həkim-ginekoloq Fəxranə Hüseynzadə "Sherg.az"a bildirib ki, vəziyyətin yenidən pisləşməsi istisna deyil:
"Əlbəttə, ən doğru qərarı TƏBİB bilir. Bu günə olan statistika qənaətbəxşdir. Amma şəhidlərimiz üçün keçirilən yürüşün təbii artımla nəticələnməsi mümkündür. Yəqin, bir həftədən, on gündən sonra bunu daha dəqiq biləcəyik".
Onun fikrincə, karantinin uzadılması müsbət effekt verəcək:
"Biz sonuncu karantin rejiminin nəticəsini gördük. Yoluxanların sayı xeyli azaldı. Həmin məntiqlə avqustdan sonra yoluxma sayının daha da azalacağını söyləmək olar. Əlbəttə, karantin heç kim üçün xoş deyil.
Çətindir, ancaq məcburuq. Düşünürəm ki, növbəti karantin rejiminə ehtiyac qalmayacaq. Çünki insanlar tibbi maska taxmağa, sosial məsafə qorumağa vərdiş ediblər.
Yəni qaydaları gözləmək üçün xüsusi rejimin lazım olmadığı qənaətindəyəm".
Digər xəbərlər
