SOCAR Belarusa 90 min ton həcmində Azərbaycan nefti göndərib
Bu barədə SOCAR-ın İctimaiyyətlə əlaqələr və tədbirlərin təşkili İdarəsinin rəis müavini İbrahim Əhmədov məlumat verib.
"90 min ton həcmində neftin nəqli fevralın 5-də Supsa limanından həyata keçirilib", - deyə İ.Əhmədov bildirib.
O, həmçinin deyib ki, "SOCAR Trading" Belarus tərəfi ilə 2021-ci ildə təxminən 1 milyon ton neftin nəqli haqqında müqavilə imzalayıb.
Bütövlükdə, 2020-ci ildə SOCAR "Belneftexim" konserninə 1 milyon tona yaxın neft, o cümlədən 720 min tona yaxın Azərbaycan nefti nəql edib, qalan həcm isə qeyri-Azərbaycan neftinin payına düşüb.
Xəbər verildiyi kimi, "SOCAR Trading" 2020-ci ilin mart ayında "Belneftexim" konserninə neft tədarükünə başlayıb.
Odessa-Brodı kəməri vasitəsilə Azərbaycandan Belarusa neft 2011-ci ildə nəql olunub. Müqavilədə 4 milyon ton neftin nəqli nəzərdə tutulsa da, faktiki həcm təxminən 900 min ton təşkil edib.
Digər xəbərlər
