01.03.2021 İqtisadiyyat

0 0

Bunu Pravda.az Elm və təhsil komitəsinin üzvi, deputat Kamilə Əliyeva deyib.

Deputat bildirib ki, insanlar gərək hər eşitdikləri xəbərə yox, yalnız rəsmi xəbərlərə inansınlar:"Məktəblərin yenidən bağlanması ilə bağlı və ümumən bu məsələ ilə bağlı bütün qərarlar yalnız Nazirlər Kabineti yanında Operativ Qərargah tərəfindən verilə bilər. İnsannlar arasında həqiqətə uyğun olmayan şailərin yayılması çaşqınlığa səbəb olur. Bu gün hələki belə bir ehtimaldan söhbət gedə bilməz. Bildiyiniz kimi, orta ümumtəhsil məktəblərində X və XI siniflər istisna olmaqla, digər siniflər üzrə əyani tədris həftədə 2 dəfə olmaqla qismən bərpa edilib və bunun müsbət nəticələrinin şahidi oluruq. Hər nə qədər onlayn tədris karantin rejimi müddətində bizim "əlimizdən tutsa da", əyani təhsili əvəz etmir. Yəni indi şagirdlərin həftədə 2 dəfə olsa da, əyani tədrisdə iştirakı öz müsbət nəticələrini verir".

K.Əliyeva qeyd edib ki, hazırda yoluxma sayı Azərbaycan üçün, demək olar ki, kritik səviyyədə deyil: "Amma yenə də insanlar bununla arxayınlaşıb düşünməsinlər ki, Azərbaycanda hər şey stabil olaraq qalacaq, hər şey nəzarət altındadır. Doğrudur, peyvəndləşmə öz müsbət nəticəsini versə də, düşünmək olmaz ki, hər şey belə davam edəcək. Eyni zamanda baxmyaraq ki, vaksinasiya könüllü şəkildə həyata keçirilir, insanlar artıq şüurlu şəkildə peyvənd olunmaq üçün müraciət edirlər. Güman edirəm ki, 3 qızıl qaydaya əməl etmək və zamanı gəldikdə peyvənd olunmaqla biz kritik vəziyyətdən çıxa bilərik. Hətta nəinki karantin rejiminin sərtləşdirilməsinə, əksinə bütün bunlara riayət olunarsa daha da yumşaldılması səbəb ola bilər. Məktəblərin bağlanma ehtimalı isə yenə deyirəm bizdən insanlardan asılıdır. Yoluxma sayının kritik olmadığını görüb arxayınlaşmaq lazım deyil. Vacib olan 3 qızıl qaydadır, əməl edilərsə, vəziyyət daha da yaxşılaşa bilər".