Amerikalılar iqtisadiyyatın rəhbərlərinə etibar etmir

Yüksək inflyasiya və tənəzzüllə bağlı narahatlıqlar Ağ Ev, Federal Ehtiyat Sistemi və Xəzinədarlıq Departamentinə dəstəyi darmadağın edib. Son sorğuya görə, iqtisadiyyata gəldikdə ictimaiyyət artıq Bayden Powell-Yelen üçlüyünə etibar etmir. Üstəlik, FED sədri Powell üçün dəstək son 20 ilin ən aşağı həddə çatıb.

Kommersant.az xəbər verir ki, iqtisadiyyatla bağlı ilk hərtərəfli ictimai rəy sorğusu pandemiyadan sonra ABŞ-da keçirilib. Bununla belə, nəticə Amerika iqtisadiyyatının bosslarını o qədər də sevindirməyib. Gallup-un sorğusuna görə, “Prezident Co Bayden iqtisadiyyat üçün yaxşı işlər görüb” deyənlərin nisbəti 35 faizi keçməyib.

Bu qədər aşağı dəstək alan sonuncu prezident 2008-ci ildə qlobal bank böhranı zamanı ölkəyə rəhbərlik edən Corc Buş olub. Bayden üçün digər pis nəticə isə respondentlərin 48 faizinin “İqtisadiyyata gəldikdə ona etibar etmirəm” deməsi olub.

1980-ci illərdən bəri inflyasiyaya qarşı ən aqressiv faiz siyasətini həyata keçirən Federal Ehtiyat Sisteminin sədri Jerome Powell də Gallup sorğusunda uğursuzluğa düçar olub. Amerikalıların yalnız 36 faizi Pauellin iqtisadi qərarlarına “tam” və “əsasən” etibar etdiklərini bildirib.

Narmin Gani

Xəbərin müəllifi

Facebok Twitter LinkedIn

Əvvəlki
“Bu populist çıxışdan başqa heç nə deyil” - İqtisadçı Kılıçdaroğlunun layihəsini şərh edir
Sonrakı
Microsoft bu il işçilərin maaşlarını artırmayacaq