Avtomobil sığortasında ödənişlər azalıb

16.07.2018 İqtisadiyyat
Azərbaycanda avtomobil satışlarının artması ilə avtonəqliyyat vasitələrinin sığortası (könüllü avtomobil sığortası, KASKO) üzrə toplanan sığorta haqları da artır.

"Kommersant" Maliyyə Bazarlarına Nəzarət Palatasına istinadən xəbər verir ki, 2018-ci ilin yanvar-iyun dövründə sığorta şirkətləri tərəfindən avtonəqliyyat vasitələrinin sığortası üzrə 12 milyon 553 min manat sığorta haqqı hesablanıb. Bu, ötən ilin eyni dövrü ilə müqayisədə 19% çoxdur. Ötən ilin yanvar-iyun dövründə avtonəqliyyat vasitələrinin sığortası üzrə 10 milyon 560 min manat sığorta haqları hesabalanmışdı.

Toplanan sığorta haqlarının artmasına baxmayaraq ödənişlər 26% azalıb. 2017-ci ilin birinci yarısında 5 milyon 712 min manat təşkil etmiş ödənişlər bu ilin birinci yarısında 4 milyon 227 min manata yüksəlib.