Avqustun 1-dən Mədəniyyət və Turizm Nazirliyinə tabe olan muzey və arxeoloji obyektlərin girişində Türkiyə Respublikasının şəxsiyyət vəsiqəsi olmayan xarici ölkə vətəndaşlarına bilet satışı zamanı mövcud qiymət tətbiq ediləcək.
Mədəniyyət və Turizm Nazirliyindən verilən açıqlamada xatırladılıb ki, iyulun 16-da Türkiyə vətəndaşlarının nazirliyə tabe olan 350-dən çox muzey və xarabalığa 60 lirə müqabilində məhdudiyyətsiz ziyarət praktikasının davam etdirilməsi ilə bağlı qərar verilib. Açıqlamada avqustun 1-dən etibarən bu yerlərə səfərlərin yalnız Müzekart ilə edilə biləcəyi və bu tarixdən etibarən xarici vətəndaşların girişlərində mövcud qiymətin tətbiq ediləcəyi bildirilib.