Azərbaycana yük maşınlarının idxalı 2 dəfə artıb

17.07.2018 İqtisadiyyat
2018-ci ilin yanvar-may aylarında Azərbaycana 11 mln. 586,6 min dollar dəyərində yük avtomobilləri idxal olunub ki, bu da ötən ilin müvafiq dövrünün göstəricisindən 94,2% çoxdur. Bu barədə Dövlət Statistika Komitəsindən (DSK) məlumat verilib.

Hesabat dövründə respublikaya 743 ədəd yük avtomobili (artım 2,1 dəfə) idxal olunub.

Bundan başqa, cari ilin yanvar-may aylarında 3 mln. 120,6 min dollar dəyərində avtobus idxal olunub ki, bu da 2017-ci ilin müvafiq dövrünün göstəricisindən 2,9% çoxdur. Hesabat dövründə ölkəyə 37 ədəd avtobus (artım 2,8%) gətirilib.

Hesabat dövründə Azərbaycana 6464 min ədəd minik avtomobili idxal olunub ki, bu da ötən ilin yanvar-may aylarının göstəricisindən 2,9 dəfə çoxdur. Ölkəyə gətirilən minik avtomobillərinin dəyəri açıqlanmır.