.jpg)
Brent markalı neftin barel qiyməti 81,38 dollardır
Cümə günü 80,81 dollara qədər bahalaşan Brent markalı neftin barel qiyməti günü 80,61 dollarla başa vurub. Brent markalı neftin bir barelinin qiyməti bu gün saat 09.21-də bağlanış vaxtı ilə müqayisədə 0,96 faiz artaraq 81,38 dollara çatıb. Eyni zamanda West Texas Intermediate (WTI) markalı xam neftin bir barreli 76,82 dollara satılıb.
Keçən həftə son 4 ayın ən aşağı səviyyəsinə çatan neft qiymətləri, tədarüklə bağlı narahatlıqların yenidən güclənməsi ilə yüksəlib.
Səudiyyə Ərəbistanı və Rusiyanın başçılıq etdiyi OPEC+ qrupu bazar şərtlərini qiymətləndirmək və hasilat siyasətini nəzərdən keçirmək üçün noyabrın 26-da Vyanada görüşəcək.
Qrupun qiymətləri istənilən səviyyədə saxlamaq üçün sözügedən toplantıda əlavə hasilat kəsimi edə biləcəyi xəbər axını bazarlarda tədarük narahatlığına səbəb olur.
Mütəxəssislər görüşün ən mühüm məsələsinin Səudiyyə Ərəbistanının könüllü olaraq hasilatı 1 milyon barel azaltması olacağını bildirirlər.
Digər xəbərlər
Azərbaycan iqtisadiyyatına xarici investisiya qoyuluşu 36%-ə yaxın artıb
ING 2028-ci ilə qədər Azərbaycanda inflyasiya ilə bağlı proqnozlarını bölüşüb
Dəmir filizi qiymətlərinin artması Çin polad istehsalçılarını çətin vəziyyətdə qoyur
