20.11.2023 İqtisadiyyat

0 0

Parlamentə təqdim edilən qanun layihəsinə görə, Macarıstanda 250 min avro dəyərində Macarıstan daşınmaz əmlak fondu payı və ya ən azı 500 min avro dəyərində daşınmaz əmlak alan əcnəbilər "qonaq-investor vizası" ala biləcək. İctimai fayda üçün çalışan aktivlərin idarə edilməsi fondlarına 1 milyon avro bağışlayanlar da bu vizadan yararlana biləcəklər.

“Qonaq-investor vizası” alan şəxs Macarıstanda 10 il qala biləcək və müddətin sonunda onu daha 10 il uzada bilər. Macarıstan 1 yanvar 2013-cü il tarixindən etibarən 300 min avroya qədər Macarıstan istiqrazlarını alanlara yaşayış hüququ verən "qızıl viza" tətbiqinə başladı. Lakin ABŞ sanksiyaları altında olan suriyalının Macarıstanda yaşamaq hüququ almasından sonra “qızıl viza” müraciəti 31 mart 2017-ci ildə başa çatıb.

Proqram sayəsində 2013-2017-ci illər arasında 1,4 milyard avro gəlir əldə edən Macarıstan əksəriyyəti çinli və rus olan 3649 əcnəbiyə yaşayış hüququ verib. Portuqaliya bu il xüsusilə Lissabonda əmlak qiymətlərinin yüksəlməsindən sonra “qızıl viza” proqramını dayandırdı. İrlandiya da fevralın 15-də “investisiya müqabilində yaşayış” praktikasını dayandırıb.
​