29.11.2023 İqtisadiyyat

0 0

Prezident Rəcəb Tayyib Ərdoğan partiyasının TBMM Qrup Toplantısında çıxış edib. Ərdoğan buradakı çıxışında "Qəzza cəhənnəmi keçdi. 2 milyon 300 min insana sözün əsl mənasında soyqırım etdilər. Bəşər tarixində qara iz buraxan hər cür vəhşiliyi etdilər. Təxminən 16 min Qəzzalı qardaşımız şəhid oldu. Daha çox 35 min fələstinli qardaşımız yaralandı. İsrail qanun qarşısında cavab verəcək. Netanyahu artıq adını tarixə 'Qəzza qəssabı' kimi yazdı. Əsir mübadiləsini dayandırmaq baxımından müsbət bir inkişaf olaraq görürük. Netanyahu administrasiyasının bəyanatları humanitar sülhün daimi atəşkəsə çevrilməsinə olan ümidlərimizi azaldır” dedi

Prezident Ərdoğanın çıxışından diqqət çəkən məqamlar bunlardır:

"Bir küncə sıxışdırılan Netanyahunun daha çox qan tökməsinin qarşısı alınmalıdır. Netanyahu bütün yəhudilərin təhlükəsizliyini təhlükə altına qoyur. Müsəlmanlara qarşı nifrət cinayətlərinin cəzasız qalmasından başqa ssenarilər gündəmə gəlir. Müsəlman problemi uydurulmağa çalışılır. Bir vətəndaşın belə burnunun qanamasına imkan verməyəcəyik.

Qəzzalı qardaşlarımıza humanitar yardımlarımız davam edir. Ümumilikdə 1500 ton humanitar yardım materialı daşıyan ikinci gəmimiz bu gün (Qəzzaya) yola düşür. Qəzzadakı vətəndaşlarımızın təxliyyəsini də böyük ölçüdə tamamladıq. İnşallah, bundan sonra təşəbbüslərimiz çoxölçülü şəkildə davam edəcəkdir. Girovların azad edilməsi və atəşkəsin daimi olması üçün təmaslarımızı sürətləndirəcəyik".