Azərbaycanda şərab zavoduna yeni rəhbər təyin edilib
Kommersant.az xəbər verir ki, bu, Adam İgoşin Nikolayeviçdir.
O bu vəzifədə Victor Jarovu əvəz edib. V.Jarov 2022-2023-cü illərdə bu şirkətə yaxın olan “Azabrau” MMC-nin rəhbəri vəzifəsində çalışıb.
Qeyd edək ki, 2021-ci ilin dekabrın 24-də “Şəki Şərab” MMC ilə bağlı müsabiqəyə yekun vurulub, Rusiyanın “Abrau-Durso” Publik Səhmdar Cəmiyyətinin yerli törəmə müəssisəsi olan “AzAbrau” MMC investisiya müsabiqəsinin qalibi elan olunub. Əmlak Məsələləri Dövlət Xidməti və Rusiyanın “Abrau-Durso” PSC arasında “Şəki Şərab” MMC-nin satışı üzrə alqı-satqı müqaviləsi imzalanıb.
“Şəki Şərab” MMC 6 hektar ərazidə yerləşir. Müəssisə ildə 2.6 mln. butulka şərab istehsal etmək imkanına malikdir.
“Abrau-Durso” PSC qədim şərabçılıq ənənələrinə malik Azərbaycan şərablarının ilk növbədə Rusiya bazarlarına, həmçinin digər xarici bazarlara da çıxışını genişləndirmək niyyətində olduğu açıqlanmışdı.
Digər xəbərlər
Bakı metrosunda üz tanıma ilə ödəniş sisteminin tətbiqinə hazırlıq gedir
