Kabel televiziyası şirkəti seçim etdi - HİSSƏLƏR BAHALAŞDI

20.07.2018 İqtisadiyyat
Dünyanın nəhəng şirkəti yeni qərar verib.

"Kommersant" xəbər verir ki, dünyanın ən nəhəng kabelli TV şirkəti "Comcast" "21st Century Fox"un yerinə "Sky"a təklif verəcəyini açıqlayıb. Bu barədə şirkətin rəsmiləri məlumat verib.

Verilən məlumata görə, açıqlamadan sonra New York bazarında "Comcast"ın hissələrinin qiyməti 3,7% artaraq 35,29 dollar olub. "21st Century Fox" şirkətinin hissələri isə 2,1% düşərək 45,71 dollar olub.

Qeyd edək ki, ilin əvvəlində "Walt Disney" "21st Century Fox"u almaq üçün 52,4 milyard dollar təklif edib. Bunun ardından "Comcast" "Fox"a 65 milyardlıq təklif ilə müraciət edib. Lakin sonradan "21st Century Fox"un "Walt Disney"lə 71,3 milyardlıq saziş bağladığı xəbəri yayılmışdı.