90 nəfər xəstələndi, 1 nəfər öldü: McDonald's burgerində epidemiyanın səbəbi məlum oldu

ABŞ səhiyyə rəsmiləri 90 nəfərin xəstələnməsinə səbəb olan E. coli epidemiyasının mənbəyinin McDonald's restoranlarında istifadə edilən doğranmış baş soğan olduğunu açıqlayıb.

ABŞ Xəstəliklərə Nəzarət və Qarşısının Alınması Mərkəzi (CDC) "McDonald's Quarter Pounder və bəzi digər menyularda istifadə edilən təzə doğranmış soğan bu epidemiyanın ehtimal mənbəyidir" dedi.

Sözügedən soğanların Taylor Farms tərəfindən tədarük edildiyi və şirkət tərəfindən könüllü olaraq geri çağırıldığı bildirilib.

McDonald's da bu soğanları menyularından çıxarıb.

Epidemiya səbəbiylə ABŞ-ın 12 ştatında restoranlarda müvəqqəti olaraq menyudan çıxarılan bu hamburgerlərə görə Koloradoda 90 nəfər xəstələnib, 27 nəfər xəstəxanaya yerləşdirilib, bir qoca isə dünyasını dəyişib.

McDonald's bazar günü E. coli testinin nəticələri mənfi çıxdıqdan sonra Quarter Pounder satışlarına yenidən başlayacağını açıqladı.

Narmin Gani

Xəbərin müəllifi

Facebok Twitter LinkedIn

Əvvəlki
"Microsoft"un gəliri və mənfəəti rübdə artıb
Sonrakı
BRİKS Sammitindən sonra bütün diqqətlər G20 Sammitindədir

Digər xəbərlər

12.03.2026 İqtisadiyyat