.jpg)
Gələn il real iqtisadi artım tempinin 3,3% olacağı gözlənilir - Mərkəzi Bank
Kommersant.az xəbər verir ki, bu barədə Azərbaycan Respublikası Mərkəzi Bankının (AMB) 2025-ci il üçün pul siyasətinin əsas istiqamətləri barədə bəyanatında bildirilib.
Məlumata görə, 2025-ci ildə Azərbaycan iqtisadiyyatının real sektorunda artımın davam edəcəyi proqnozlaşdırılır:
“Hökumətin, beynəlxalq maliyyə-kredit təşkilatlarının və aparıcı reytinq agentliklərinin də Azərbaycandakı iqtisadi artımın perspektivləri ilə bağlı gözləntiləri nikbindir”.
“Qiymətləndirmələrə görə, 2025-ci ildə də tədiyə balansının cari əməliyyatlar hesabının profisitli olacağı gözlənilir. Baza ssenari üzrə proqnozlara görə (neftin qiyməti 1 barelə görə 79,2 ABŞ dolları, qazın qiyməti min kub metrə görə 340 ABŞ dolları), 2025-ci ildə cari əməliyyatlar hesabının profisiti 5,5 mlrd. ABŞ dolları səviyyəsində olmaqla ÜDM-in 7,2%-i səviyyəsində gözlənilir.
Bu dövrdə də geosiyasi vəziyyət, əsas ixrac məhsulları üzrə dünya qiymətləri, ticarət tərəfdaşlarında makroiqtisadi durum, qeyri-neft-qaz sektoru üzrə ixrac potensialı Azərbaycanın tədiyə balansına təsir göstərən əsas amillər olacaq”, - deyə məlumatda qeyd olunub.
Digər xəbərlər
.jpg)
Neft qiymətlərində məhdud artım: Rusiyaya qarşı sanksiyalar təsir göstərir
Elon Musk: Tesla süni intellekt çipləri üçün nəhəng bir fabrik tikə bilər
