Azərbaycan tərəfindən Dağıstanda zeytun bağı salınacaq

İqtisadiyyat Nazirliyinin tabeliyində İqtisadi Zonaların İnkişafı Agentliyinin (İZİA) idarəçiliyində olan Yevlax Pilot Aqroparkın rezidenti “İsfa” MMC ilə Dağıstan Respublikasının İxraca Dəstək Mərkəzi arasında Əməkdaşlıq Memorandumu imzalanıb.

İZİA-dan verilən məlumata görə, memorandumu “İsfa” MMC-nin direktoru Samir Xeyirbəyov və Dağıstan Respublikasının İxraca Dəstək Mərkəzinin rəhbəri Ruslan Abasquliyev imzalayıblar.

Sənədə əsasən, birinci mərhələdə “İsfa” MMC tərəfindən Dağıstan Respublikasının Dərbənd rayonunda cari ilin payızında 100 hektarlıq ərazidə zeytun bağı salınacaq. Zeytun bağının salınmasında Yevlax Pilot Aqroparkda yetişdirilən ümumilikdə 165 min ədəd tingdən istifadə olunacaq.

Həmçinin, sözügedən bağın suvarma sisteminin qurulması da “İsfa” MMC tərəfindən həyata keçiriləcək.

İkinci mərhələdə isə günlük istehsal gücü 100 ton olacaq zeytun yağı emalı zavodunun qurulması nəzərdə tutulur.

Sözügedən sənədin ümumi dəyəri 7 milyon manata yaxındır.

News Department

Xəbərin müəllifi

Facebok Twitter LinkedIn

Əvvəlki
Qazaxıstan tezliklə Türk Dövlətləri Təşkilatında daimi nümayəndəliyini açmağı planlaşdırır
Sonrakı
KOS subyektləri üzrə kredit standartlarında yumşalma müşahidə edilib - AMB

Digər xəbərlər

14.07.2025 İqtisadiyyat