.jpg)
Bakıdakı bu mağazalarda insanları aldadırlarmış - "New Yorker","Next", "Manqo" və "Celio"
Kommersant.az xəbər verir ki, inzibati xəta haqqında protokol tətbiq edilmiş şirkətlərdən biri də dünyaca məşhur "New Yorker","Next", "Manqo" və "Celio" kimi brend malların Bakı şəhərindəki mağazalarda satışını həyata keçirən "SSİ RETAİL" Məhdud Məsuliyyətli Cəmiyyəti olub.
Məlumata əsasən, şirkət tərəfindən qeyri-qida məhsulunun üzərində göstərilmiş qiymətdən baha satılması faktı aşkar edilib. Bununla əlaqədar olaraq, Antiinhisar və İstehlak Bazarına Nəzarət Dövlət Xidməti tərəfindən "İstehlakçıların hüquqlarının müdafiəsi haqqında" Qanunun 13-cü maddəsinin 1-ci bəndi və İnzibati Xətalar Məcəlləsinin 447.0.1-ci maddəsinin pozulması ilə bağlı 23 iyul tarixində inzibati protokol tərtib olunub.
Qeyd edək ki, "SSİ Retail" MMC-nin qanuni təmsilçisi Qarayev Şahin Saleh oğludur. Şirkətin nizamnamə kapitalı isə 25 000 000 manat təşkil edir.
Digər xəbərlər
Avrozonanın fevral ayında ticarət profisiti 11,5 milyard avro təşkil edib
Commerzbank: İnkişaf etmiş iqtisadiyyatlar enerji şokuna daha yaxşı hazırlaşır
.jpg)