İspaniyada ikinci xaos dalğası

İspaniyada ikinci xaos dalğası - Rabitə xətti kəsilib: İnternet, telefon yoxdur

Aprelin 28-də İspaniyada baş verən və ölkəni xaosa sürükləyən elektrik enerjisinin kəsilməsindən sonra bu gün ölkənin böyük bir hissəsini əhatə edən rabitə kəsilməsi yaşanır. Hətta 112 təcili xidmət xəttinin də kəsinti səbəbindən xidmətdən çıxdığı öyrənilib və problemin telekommunikasiya şirkətinin şəbəkə yeniləməsi zamanı yarandığı düşünülür.

İspaniyanın əsas xidmət təminatçıları olan Movistar, Orange, Vodafone, Digimobil və O2 bütün ölkə miqyasında fasilələrlə üzləşir.

Səhər saatlarında başlayan fasilə bütün ölkəyə yayıldıqca İspaniyanın dünya ilə əlaqəsi yenidən kəsilib. Downdetector məlumatlarına görə, istifadəçilərin 72 faizi xidmətin tam kəsilməsini, 18 faizi siqnal itkisini, 10 faizi isə girişin tam bloklandığını bildirib.

Metropolislərdə rabitə kəsilib

Zəng edə bilməyən və ya internetə daxil ola bilməyən ispanlar, bir neçə həftə əvvəl meydana gələn elektrik kəsilməsindən sonra ikinci bir xaos dalğası yaşayır və bütün ölkəyə yayılan kəsilmənin xüsusilə Madrid, Malaga, Barselona, Valensiya, Mursiya, Sevilya və Bilbao kimi böyük şəhərlərdə təsirli olduğu bildirilir.

112 təcili yardım xətti sıradan çıxıb
İnternet kəsilməsi səbəbindən işləyə bilməyən vətəndaşlar vəziyyətə üsyan edərkən, mobil rabitənin kəsilməsi səbəbindən 112 təcili xidmət xəttinə çatmaq mümkün olmadığı öyrənildi. Bəzi şirkətlər həmçinin sistemlərinin tamamilə dondurulduğunu, proqram təminatının yüklənə bilmədiyini və kompüterlərin qoşula bilmədiyini bildiriblər.

Problemin İspaniyanın əksər mobil şəbəkələrinin operatoru olan Telefónica sistemindəki böyük nasazlığın səbəb olduğu düşünülür. Şirkətin sözçüsü problemin uğursuz şəbəkə yeniləməsindən qaynaqlandığını və problemi həll etməyə çalışdıqlarını bildirib.