Polşa Baydendən vacib açıqlamalar gözləyir

ABŞ prezidenti Co Bayden Varşavaya gəlib. Polşa hakimiyyəti ölkədəki Amerika hərbçilərinin sayını artırmağa çalışır. Vaşinqton hələlik konkret heç nə demir, sadəcə Baydenin Varşavada söyləməyə hazırlaşdığı vacib çıxışını gözləməyi təklif edir.

Qatarın Przemysl əsas stansiyasına gəlişi Polşa telekanalları tərəfindən canlı yayımlanıb.

Varşava Friderik Şopen hava limanında prezident təyyarəsi saat 23:00-dan sonra yerə enir. Təntənəli mərasim olmadan Bayden dərhal otelə dincəlməyə gedir. Amma şəhərdə artıq hər şey ABŞ prezidentini qəbul etməyə hazırdır. Ən parlaq işıqlandırma Baydenin çıxış edəcəyi Kral Qalasının ərazisində yerləşir. Həmçinin Polşa prezidenti Duda, NATO-nun baş katibi və “Buxarest doqquzluğu” ölkələrinin (alyansın şərq cinahı) liderləri ilə görüş də rəsmi gündəmdədir.

"ABŞ prezidentinin səfəri bizim üçün həm də ona görə vacibdir ki, Polşa Ukrayna ilə qonşu olan ölkə kimi silah tədarükünün dəstəklənməsində həlledici rol oynayır. Bundan əlavə, Polşa texniki xidmət və təmir məsələlərini həll etdiyimiz ölkədir. Ona görə də Co Baydenin Polşaya səfəri təbii ki, Almaniyanın maraqlarına uyğundur”, - Almaniyanın xarici işlər naziri Annalena Burbok bildirib.

amerika co bayden