Kahramanmaraş mərkəzli zəlzələlərdən sonra Almaniya yaxınları ilə birlikdə Almaniyaya gələn zəlzələ qurbanlarının qalma müddətini daha 3 ay uzadıb.
Kommersant.az xəbər verir ki, fevralın 6-da Kahramanmaraşda baş verən zəlzələlərdən sonra Almaniya hökuməti viza rahatlığı təmin edərək, yaxınları ilə birlikdə Almaniyaya gələn zəlzələ qurbanlarının qalma müddətini daha 3 ay uzadıb.
Almaniya Xarici İşlər və Daxili İşlər Nazirliyindən verilən ortaq yazılı açıqlamada, Almaniyada qohumlarının yanında qalan türk zəlzələ qurbanlarının Almaniyada daha 3 ay qalmasına icazə verildiyi bildirilib.
Açıqlamada, 6 fevral - 7 may 2023-cü il tarixləri arasında Almaniyanın Türkiyədəki diplomatik nümayəndəliyi tərəfindən verilmiş etibarlı viza ilə Almaniyaya daxil olanların avqustun 6-dək yaşayış icazəsi tələbindən azad ediləcəyi söylənib.