Kılıçdaroğlu MİH təyin edəcək

Qurultay təqviminin başlamasını istəyən CHP lideri Kılıçdaroğlu partiyasını bazar və ya bazar ertəsi qurultaya daşıyacaq MİH-ni açıqlayacaq.

Kommersant.az xəbər verir ki, CHP-də seçkilərdən sonra yeni yol xəritəsini müəyyən etmək üçün yığıncaqlar davam edərkən, qurultay təqviminə başlamaq istəyən başqan Kamal Kılıçdaroğlu partiyanı bazar və ya bazar ertəsi qurultaya daşıyacaq Mərkəzi İdarə Heyətini (MİH) açıqlayacaq.

Əldə edilən məlumata görə, seçkilərdən sonra tez-tez heyəti ilə görüşən və seçki nəticələrini dəyərləndirən Kılıçdaroğlu dünən son dəfə partiyasının MİH-ni bir araya toplayıb.

Kılıçdaroğlu yığıncaqda üzvlərinə təşəkkür edib və üzvlərin istefa tələblərini qəbul edib.

Kılıçdaroğlu bu gün millət vəkilləri, sabah isə Partiya Məclisi (PM) üzvləri ilə görüşəcək.

Yığıncaqlarla seçkilərdən sonra partiyasının özünü sınayan Kılıçdaroğlunun seçkilərlə əlaqədar bir il təxirə salınan qurultay təqviminin başlamasının tərəfdarı olduğu bildirilir.

Sabah Partiya Məclisində alınacaq qərara uyğun olaraq qurultay təqvimi iyulun sonunda başlayarsa, 38-ci böyük qurultayın oktyabrın son həftəsində və ya noyabrın əvvəlində keçirilə biləcəyi bildirilir.

Partiyada müzakirə olunan digər məsələ isə böyük qurultayın yerli seçkilərə qədər buraxılmasıdır.

Seçkilər öncəsi qurultay keçirmək ənənəsi olmayan Kılıçdaroğlunun bu təklifə xoş gəlmədiyi və yerli seçkilərdə yeni partiya vitrini ilə görünmək istədiyi bildirilir.