04.06.2024 Siyasət

0 0

ABŞ-ın Kaliforniya ştatının San-Fransisko rayonunda “Anti-sionizm antisemitizm deyil” və “Çaydan dənizə Fələstini azad edin” şüarları daşıyan və Qəzza zolağında atəşkəs tələb edən nümayişçilər İsrail Konsulluğu qarşısında toplaşıblar.

"Azad Fələstin" şüarları səsləndirən nümayişçilərdən bəziləri özlərini qapılara bağlayıblar.

San Fransisko polisi foyeyə daxil olan və binanı tərk etməkdən imtina edən 70 nəfərin saxlanıldığını açıqlayıb.

Oktyabrın 7-dən sonra İsrailin Qəzzanı işğal etməsi

HƏMAS-ın silahlı qanadı İzzəddin əl-Qəssam Briqadaları 7 oktyabr 2023-cü il tarixində “Məscidül-Əqsa başda olmaqla Fələstinlilərə və müqəddəs dəyərlərə qarşı davamlı pozuntulara cavab vermək” səbəbi ilə İsrailə hərtərəfli hücuma keçib.

İsrail oktyabrın 7-də baş verən hücumlarda 1200 israillinin öldüyünü, 5132 nəfərin yaralandığını açıqlayıb.

İsrailin 7 oktyabrdan bəri Qəzza zolağına təşkil etdiyi hücumlarda ən az 15 min 328-i uşaq, 10 min 171-i qadın olmaqla 36 min 479 fələstinli həlak olub, 82 min 777 nəfər isə yaralanıb.

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.

İsrail ordusu Qəzza zolağına hücumların başladığı 7 oktyabrdan bu yana 293-ü quru işğalı prosesində olmaqla 644 əsgərinin həlak olduğunu açıqlayıb.

24 noyabr 2023-cü ildə 4 gün müddətinə verilən və daha sonra 3 gün daha uzadılan qarşıdurmada “humanitar pauza” zamanı 81 İsrailli və 240 fələstinli məhbus qarşılıqlı olaraq azad edilib. Digər tərəfdən, İsrail minlərlə fələstinlini saxlamağa və həbs etməyə davam etdi.

7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə Fələstin torpaqlarını qəsb edən İsrail əsgərləri və israillilərin hücumları nəticəsində 525 fələstinli həyatını itirib.