07.06.2024 Siyasət

0 0

Rusiya İstintaq Komitəsi Fransa vətəndaşının Rusiya ordusu haqqında məlumat toplamaqda şübhəli bilinərək saxlanıldığını açıqlayıb.

Rusiya İstintaq Komitəsi İsveçrədə yerləşən Humanitar Dialoq Mərkəzi (HD) adlı qeyri-hökumət təşkilatında çalışan 47 yaşlı Laurent Vinatier-in saxlanılması ilə bağlı "hərbi sahədə qəsdən məlumat topladığını" açıqlayıb.

Reuters xəbər agentliyinin xəbərinə görə, Rusiya İstintaq Komitəsi bu məlumatların dövlətin təhlükəsizliyinə qarşı istifadə oluna biləcəyini iddia edib.

HD qeyri-hökumət təşkilatı Rusiya və Avrasiya üzrə məsləhətçi kimi onlarda işləyən Vinatierin saxlanılmasından xəbərdar olduqlarını bildiriblər.

Fransa prezidenti Emmanuel Makron Vinatyenin Fransa dövləti üçün işləməsi ilə bağlı iddiaları rədd edərək, bunların "Rusiya təbliğatının bir hissəsi olduğunu" deyib.

Makron izah edib ki, Vinatier Birləşmiş Millətlər Təşkilatının (BMT) keçmiş baş katiblərindən biri olan Kofi Annanın təsis etdiyi QHT-də çalışıb.

Rusiya İstintaq Komitəsi bir video paylaşdı

Saxlanılan Vinatierin LinkedIn səhifəsində paylaşılan məlumata görə, o, 10 ildir Cenevrədə yerləşən HD-nin Avrasiya/Rusiya Proqramı Məsləhətçisi vəzifəsində çalışırmış. Çeçen diasporu üzrə doktorluq dərəcəsini başa vuran Vinatye Avropanın bir sıra universitetlərində beynəlxalq münasibətlər və siyasi iqtisad üzrə kurslar verib. Rusiya, Qafqaz və Orta Asiya ilə bağlı kitabları və məqalələri də olan Vinatye Rusiya-Ukrayna müharibəsinin başladığı 2022-ci ilin fevralından Rusiyada vaxt keçirməyə başlayıb.