Rusiyanın Almaniyaya sərt cavabı: Rusiya üçün ultimatum dili qəbuledilməzdir

Kremlin sözçüsü Dmitri Peskov Almaniya hökumətinin Rusiyaya qarşı sanksiyalarla bağlı açıqlamasına "Rusiya üçün ultimatum dili qəbuledilməzdir, bu dil uyğun deyil. Rusiya ilə bu şəkildə danışa bilməzsiniz" deyib.

Kreml Almaniya hökumətinin sözçüsü Stefan Korneliusun bu gün verdiyi açıqlamaya "Rusiyaya qarşı yeni sanksiyalar tətbiq edəcəyik" deyə reaksiya verib. Kremlin sözçüsü Dmitri Peskov Almaniya hökumətinin Rusiyaya qarşı sanksiyalarla bağlı açıqlamasına "Rusiya üçün ultimatum dili qəbuledilməzdir, bu dil uyğun deyil. Rusiya ilə bu şəkildə danışa bilməzsiniz" deyib. Peskov oxşar təhdidlərin mayın 10-da da edildiyini xatırladıb və həmin gün təhdidlərin də “ultimatum şəklində” ifadə edildiyini bildirib. Onlar 30 günlük atəşkəs təklif edib.

Fransa, Almaniya, İngiltərə və Polşa liderləri atəşkəsə çağırıblar

Fransa prezidenti Emmanuel Makron, Almaniya kansleri Fridrix Merz, Böyük Britaniya və Polşanın baş nazirləri Keir Starmer və Donald Tusk mayın 10-da Kiyevdə Ukrayna tərəfi ilə danışıqlar aparıb və mayın 12-dən etibarən 30 günlük atəşkəs təklif ediblər.

Rusiyaya qarşı əlavə sanksiyalar gündəmdədir

Almaniya hökumətinin sözçüsü Stefan Kornelius həftəlik mətbuat konfransında Ukraynada mümkün atəşkəs razılaşması ilə bağlı açıqlamalar verib. Kornelius Moskvanın şənbə günü Almaniya kansleri Fridrix Merz, Böyük Britaniya baş naziri Keir Starmer, Fransa prezidenti Emmanuel Makron və Polşanın baş naziri Donald Tuskun tələb etdiyi “30 günlük qeyd-şərtsiz atəşkəs”ə əməl etməməsi halında Rusiyaya qarşı yeni sanksiyaların tətbiq ediləcəyini açıqlamışdı.

Almaniya, Fransa, İngiltərə və Polşa liderlərinin şənbə günü "Rusiyanın bazar ertəsindən başlayaraq 30 günlük atəşkəs elan etməsi" tələbini xatırladan sözçü, "Vaxt daralır, günün sonuna 12 saatımız qalıb" dedi.