16.05.2025 Siyasət

0 0

ABŞ prezidenti Donald Tramp Birləşmiş Ərəb Əmirliklərinin (BƏƏ) paytaxtı Əbu-Dabidəki “Qəsr əl-Vətən” prezident sarayında keçirilən biznes forumda iştirak edib.

Tramp Abu Dabi Milli Neft Şirkətinin sədri Sultan Əl-Cabir və Exxon Mobil Corp ilə görüşüb və Occidental neft şirkətlərinin rəsmilərinin təqdimatlarını dinləyib.

Əl-Cabir daha sonra Trampa bir damcı neft olan suvenir hədiyyə edib. "Bu, planetin ən keyfiyyətli neftidir. Mənə cəmi bir damcı verdilər, ona görə də həyəcanlı deyiləm", - Tramp zarafat edib.

"BƏƏ ilə razılaşma milyardlarla dollarlıq biznes təmin edəcək"
"Səudiyyə Ərəbistanı, BƏƏ və Qətərə gəlmək mənim üçün çox vacib idi, çünki ilk növbədə, şəxsi münasibətlərlə bağlı idi", - Tramp biznes forumunda bildirib.

ABŞ-ın Səudiyyə Ərəbistanı, Qətər və BƏƏ ilə “böyük dostluqları” olduğunu bildirən Tramp, sələfi Co Baydenin administrasiyasını hədəfə alıb və “ABŞ son 4 ildə BƏƏ-də olmayıb” deyib.

Tramp həmçinin bildirib ki, BƏƏ-nin ABŞ-a verdiyi 1,4 milyard dollarlıq investisiya vədində böyük irəliləyiş əldə olunub. Tramp bildirib ki, ABŞ və BƏƏ BƏƏ-nin ABŞ şirkətlərindən dünyanın ən qabaqcıl süni intellekt yarımkeçiricilərini alması üçün “yol yaratmaq barədə razılığa gəliblər”.