21.05.2025 Siyasət

0 0

Oxford Economics-in 2025 Qlobal Şəhərlər İndeksində İstanbul insan kapitalı kateqoriyasında 1000 şəhər arasında 15-ci yerdə qərarlaşıb.

İndeksdə şəhərlər beş başlıq altında qiymətləndirilib: iqtisadiyyat, insan kapitalı, həyat keyfiyyəti, ətraf mühit və idarəetmə. İqtisadiyyatı 2,5 trilyon dollar olan Nyu-York siyahıda birinci yerdədir. İqtisadiyyatı bir trilyon dollar olan London ikinci, Paris isə mədəni zənginlik və həyat keyfiyyəti baxımından üstün performansı ilə üçüncü olub.

İstanbul insan kapitalına görə ilk 20-də

Türkiyədən İstanbul, Ankara, Antalya, İzmit və Bursa reytinqə daxil olub. İstanbul ümumi siyahıda 106-cı yeri tutarkən, insan kapitalı kateqoriyasında 15-ci yerdə dayanıb. Ankara 277-ci, Antalya 374-cü, İzmit 383-cü və Bursa 405-ci yerdədir.

ABŞ şəhərləri iqtisadiyyatda, Avropa həyat keyfiyyətində öndədir
Siyahının ilk 10-luğunda ABŞ-dan San Xose, Sietl, Boston və San-Fransisko seçildiyi halda, Avstraliyadan Melburn və Sidney və Yaponiyadan Tokio da yerlərini tutub. Tokio 1,3 trilyon dollar iqtisadi ölçüsü ilə regional lider mövqeyini qoruyub. Paris, San Xose və Sietl həyat keyfiyyəti kateqoriyasında Nyu York və Londonu geridə qoyub.

Yeni kateqoriyalar: Mədəniyyət paytaxtları, inkişaf etməkdə olan meqapolislər
Bu il Oxford Economics şəhər tipləri yanaşmasını indeksə əlavə edərək şəhərləri aşağıdakı kimi təsnif etdi: O, şəhərləri qlobal liderlər, mədəniyyət paytaxtları, davamlı şəhərlər, sənaye mərkəzləri və inkişaf etməkdə olan meqapolislər daxil olmaqla yeddi alt kateqoriyaya ayırdı.