AB-nin mesajı: “Biz Türkiyəni təhlükəsizlik aktyoru kimi görürük”

Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallas Türkiyəni təhlükəsizlik sahəsində bir aktyor kimi gördüklərini ifadə edərək, İstanbulun son vaxtlar vasitəçilik mərkəzi kimi ortaya çıxmasından məmnunluqlarını ifadə edib.

Kallas, AB Komissiyasında Türkiyənin Birliyin yeni maliyyələşdirmə aləti olan Avropa Təhlükəsizlik Fəaliyyətinin (SAFE) bir hissəsi olması ilə bağlı sualı cavablandırıb:

"Aİ-də təhlükəsizlik və müdafiə ilə bağlı verdiyimiz qərarlar masaya çoxlu yeni pul gətirir" deyən Kallas, "Bu, üzv dövlətlərin kredit və ya ortaq satınalmalar, ortaq layihələr alması üçün rıçaq təmin edir. Əslində bu, həm pul almaq, həm də Türkiyə kimi tərəfdaşlarımızla əməkdaşlıq etmək deməkdir".

Avropa ölkələrinin müdafiə alışlarının 60 faizini ABŞ-dan etdiklərini bildirən Kallas, "Bu, Ukrayna müharibəsində də gördüyümüz kimi öz müdafiə sənayemizi gücləndirməmiz lazım olduğunu göstərir. (SAFE ilə uyğun olaraq) Türkiyə kimi tərəfdaş ölkələrlə birlikdə təchiz edə biləcəyimiz yerlər var, Avropa müdafiə sənayesi üçün hazırlanmış alətlər var" dedi.

“Nüvə obyektlərinə hücumlar narahatlıq doğurur”

Kallas, İsrailin İrana hücumu ilə başlayan vəziyyətə də toxunaraq, "Əlbəttə ki, Yaxın Şərqdəki bu müharibə son dərəcə narahatlıq doğurur. Bir çox ünsür var. Nüvə obyektlərinə hücumlar narahatlıq doğurur" söyləyib.