Tramp-Putin sammiti öncəsi neftin qiyməti qalxıb

Alyaskada keçiriləcək Tramp-Putin sammiti öncəsi neft qiymətləri yüksəlib. Potensial sanksiyalar və Sentyabr ayında FED-in faiz dərəcəsini endirəcəyi gözləntiləri qiymətləri dəstəklədi, Brent markalı neft 65,90 dollara, WTI isə 62,90 dollara qalxdı. Bununla belə, ABŞ-ın neft ehtiyatlarının artması və BEA-nın tədarük bolluğu ilə bağlı proqnozu artımı məhdudlaşdıran amillərdən olub.

Cümə günü Alyaskada keçiriləcək Tramp-Putin sammiti öncəsi neft qiymətləri yüksəlib. FED-in sentyabr ayında faiz dərəcələrini aşağı salacağı gözləntiləri qiymətləri yüksəldib, bazarlar isə zirvənin nəticələrinə fokuslanıb.

Analitiklər xəbərdarlıq edirlər ki, Tramp və Putin razılığa gələ bilməsələr, Rusiya neftinə qarşı sanksiyalar yumşaldılmaq əvəzinə daha da sərtləşə bilər. Bu risk qiymət artımlarında əhəmiyyətli faktor kimi qiymətləndirilir.

Qiymətlər yüksəliş trendində

Brent markalı neftin fyuçersləri 0,41 faiz artaraq barreli 65,90 dollara, ABŞ-ın Qərbi Texas nefti (WTI) isə 0,4 faiz artaraq 62,90 dollara çatıb. ABŞ və Beynəlxalq Enerji Agentliyinin (IEA) tədarük artımı proqnozları ilə hər iki müqavilə dünən iki ayda ən aşağı səviyyələrə düşüb.

ABŞ prezidenti Donald Tramp sammitin nəticə verməməsinin “ağır nəticələri” barədə xəbərdarlıq edib. Sanksiyaların ikinci mərhələsi çərçivəsində Rusiya neftini alan Çin və Hindistan kimi ölkələrə qarşı iqtisadi tədbirlərin görülə biləcəyi bildirilir. "Sülh danışıqları ilə bağlı qeyri-müəyyənlik alıcılara təzyiq səbəbindən bazarda yüksələn risk mükafatı yaradır", - Rystad Energy öz qiymətləndirməsində bildirib.