.png)
.png)
.jpg)
ABŞ-ın Ukrayna ilə bağlı bəyanatı
ABŞ Dövlət Katibi Marko Rubio Rusiya-Ukrayna müharibəsinə son qoymaq üçün hazırlanmış sülh planı üzrə danışıqlar aparmaq üçün Floridada Ukrayna nümayəndə heyəti ilə görüşdü.
Görüşdən sonra Ukrayna Milli Təhlükəsizlik və Müdafiə Şurasının katibi Rüstəm Umerovla mətbuata danışan Rubio çox məhsuldar bir görüş keçirdiklərini bildirərək dedi: “Biz sadəcə müharibəyə son qoymaq istəmirik; biz Ukraynanın təhlükəsiz və əmin-amanlıqda olmasını, başqa bir işğalla qarşılaşmamasını və əsl rifaha nail olmasını istəyirik”.
Rubio ABŞ-ın təklif etdiyi sülh planı üzrə əhəmiyyətli irəliləyiş əldə etdiklərini vurğulayaraq dedi: “Lakin bu, həssas və mürəkkəb bir məsələdir, ona görə də hələ görüləsi çox işimiz var”.
Rubio qeyd etdi ki, ABŞ Prezidenti Donald Trampın Yaxın Şərq üzrə xüsusi nümayəndəsi Stiv Vitkoff bu həftə Moskvaya səfər edəcək və əlavə etdi: “Biz bu danışıqların nə qədər çətin olacağına real yanaşırıq, eyni zamanda ümidliyik”.
Ukrayna nümayəndə heyətinə rəhbərlik edən Ukrayna Milli Təhlükəsizlik və Müdafiə Şurasının katibi Umerov da sülh danışıqlarında liderliyinə görə ABŞ-a təşəkkür etdi.
Digər xəbərlər
